香港人通常都好忙，食晏嘅時候通常都會喺公司附近搵啲快靚正嘅食物，食完就返公司或者買Takeaway返公司食。
雖然係快靚正，但係有好多香港人都會期望可以有啲健康啲嘅選擇。究竟要食得健康，係咪真係要帶飯呢？
其實呢個問題，唔一定㗎 ！因為有啲人嘅屋企，啲烹調方法都好似出邊大酒樓咁，味道好濃郁。如果出街識得選擇嘅話，都可以食得好健康㗎。
出街飲食有幾個口訣：
選擇要均衡：要有碳水化合物、蛋白質、菜
盡量選擇三低嘅烹調方法：低油、低鹽、低糖
要知道自己嘅份量：唔係人哋俾幾多你就要食晒
我本身唔係咁鍾意淨係數卡路里，因為卡路里可以從油份、碳水化合物、蛋白質、甚至乎喺酒精裏面所提供。如果你食100卡路里全部都係脂肪嘅話，就算佢係低卡都唔係一個好嘅卡路里。相對如果嗰100卡路里係從高質量蛋白質、甚至乎高纖維的碳水化合物，嗰100卡路里就會食得低啦！不過我都知好多型男美女都會鍾意睇卡路里嚟做個指標，所以我今日決定同大家講壽司卡路里。
講壽司卡路里之前，首先俾個概念大家大概每日需要幾多卡路里。根據我哋嘅衛生署：
以上資料來源：衛生署網頁
記住唔係食低卡路里就係好㗎，食得太低卡路里會影響新陳代謝，減唔到肥㗎 ！
以下壽司卡路里只作參考，因為壽司舊飯嘅大細， 飯上面嘅魚生大細，師傅嘅烹調方法，都會影響卡路里同埋其他指數嘅分析。其實我哋唔係最重要睇卡路里，係要認識睇埋啲卡路里係邊度嚟，咁先至可以食得 「營 」啲㗎嘛！呀，仲有一樣嘢，就係要小心唔好落太多豉油，食得太鹹對健康唔好同埋會水腫㗎 ！
以上資料來源：sushifaq.com
✍🏻撰文：陳荃賢營養師